Այսօր` հունվարի 11-ի առավոտյան, ժամը 07:53-ին «911» ծառայությունն ահազանգ է ստացել, որ Լոռու մարզի Կաճաճկուտ գյուղի մոտակայքում անտառն այրվում է։

Արտակարգ իրավիճակների նախարարության մամուլի ծառայությունը հայտնում է, որ հրդեհաշիջման աշխատանքներին մասնակցում են «Հայանտառ» ՊՈԱԿ-ի` Դսեղի անտառտնտեսության 15 աշխատակից, Կաճաճկուտ գյուղի 12 բնակիչ և փրկարար ծառայության 25 հրշեջ-փրկարար։

Նախնական տվյալներով` հրդեհի մակերեսը կազմում է 40-50 հա։ Այս պահի դրությամբ հրդեհը դեռ չի հաջողվել մարել։

Տաք ու չոր ձմռան հետևանքը զգացել են նաև դիլիջանցիները։ ԱԻՆ–ը միանգամից երկու ահազանգ է ստացել, որ Դիլիջանի տարբեր հատվածներում այրվում են 5 հա և 200 քմ կանաչապատ տարածքներ։

Բարեբախտաբար հրշեջներին հաջողվել է մարել կրակը: